Tuisblad

Welkom by Wikipedia, die vrye ensiklopedie wat deur enigiemand verbeter en uitgebrei kan word.	Donderdag, 8 Oktober 2026 Hier is tans 131 298 artikels in Afrikaans.
Help ons om ’n wêreldklas-ensiklopedie in Afrikaans te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

George Russell (gebore 15 Februarie 1998) is 'n Britse professionele motorrenjaer wat aan Formule Een Grands Prix deelneem. Hy het tot 2021 vir die Williams-Mercedesspan deelgeneem, en in 2022 by die Mercedes AMG fabriekspan aangesluit in die plek van die Finse renjaer Valtteri Bottas, wat na Alfa Romeo vertrek het. Russell het agt Formule 1-Grands Prix gedurende agt seisoene gewen.

Russell het sy motorsportloopbaan in karting in 2006 begin en in 2009 na die Cadet-klas gevorder. Daardie jaar het hy Britse Kampioen in beide die MSA- en Ope Kampioenskappe geword. In 2010 het hy na die Rotax Mini Max-klas opgeskuif, waar hy Britse Kampioen in die Super One en Formula Kart Stars geword het, terwyl hy ook die Kartmasters Britse Grand Prix gewen het. In 2011 het hy na die KF3-klas opgeskuif, waar hy die SKUSA Supernationals gewen het en kampioen van die CIK-FIA Europese Kampioenskap geword het, 'n titel wat hy in 2012 suksesvol verdedig het. In 2013 het hy 19de in die KF1 CIK-FIA Wêreldkampioenskap geëindig.

In Oktober 2015 het Russell vir die eerste keer 'n Formule Een-motor bestuur toe hy die McLaren MP4-26 by Silverstone getoets het as 'n prys vir die wen van die 2014 Autosport BRDC-toekenning. Nadat hy by die Mercedes Juniorspan aangesluit het, het Mercedes hom meer toetsgeleenthede aangebied. Hy het in April 2017 vir die eerste keer 'n Mercedesrenmotor bestuur en die 2015 Mercedes W06 by Portimão getoets. Hy het toe formele toetsritte vir Mercedes (2017 en 2018) en Force India-Mercedes (2018) onderneem.

...lees verder

In die nuus

Die 2026-Nobelprys vir Letterkunde word toegeken aan Anne Carson "vir haar gewaagde en vindingryke oeuvre wat, in speelse dialoog met die klassieke tradisie, nuwe vorme vir die hedendaagse letterkunde geskep het".
Die Internasionale Krieketraad en Krieket Suid-Afrika maak in Kaapstad die Krieketwêreldbeker 2027 se wedstrydskedule bekend; dié toernooi sal op 2 Oktober in Windhoek begin en die eindstryd sal ná ses weke se wedstryde in Suid-Afrika, Zimbabwe en Namibië op 21 November op Wanderers in Johannesburg beslis word.
'n Reeksmoordenaar is moontlik in die Oos-Rand-gebied in Gauteng, Suid-Afrika aktief. Die lyke van nege vrouens is sedert Julie 2026 gevind.
Op Griekwapark in Kimberley klop die verdedigende kampioen Griekwas tydens die eindstryd van die Curriebeker 2026 die Pumas met 23–16 en palm sodoende hul vyfde titel in.
Harald V, koning van Noorweë, sterf op 89 en is opgevolg deur sy seun, koning Haakon VIII.

Het u geweet...

... dat die Namibiër Rudie van Vuuren die eerste (en enigste) man is wat in dieselfde jaar in twee sportsoorte, krieket en rugby, aan 'n wêreldbekertoernooi deelgeneem het? Hy het sy land tydens beide die Krieketwêreldbeker 2003 en die Rugbywêreldbeker 2003 verteenwoordig.

... dat die Groenpuntvuurtoring die oudste vuurtoring in Suid-Afrika is? Dit staan op die noordwestelike punt van Tafelbaai in Mouillepunt, Kaapstad, en is in 1823 voltooi. Die rotsagtige Mouillepunt staan reeds eeue lank onder seevaarders bekend as een van die gevaarlikste punte aan die Kaap.

... dat die USS Archerfish die enigste duikboot is wat ooit 'n vliegdekskip gekelder het?

... dat Montreal in Kanada die tweede grootste Franstalige stad in die wêreld is? Dit is met die 3,9 miljoen inwoners in die metropolitaanse gebied die grootste stad van die Franstalige provinsie Quebec en die tweede grootste in Kanada.

... dat Wikings reeds 500 jaar voor Christopher Columbus Amerika ontdek het? Hulle het 'n nedersetting by L'Anse aux Meadows op Newfoundland eiland in Kanada gevestig.

Vandag in die geskiedenis

8 Oktober:

1582 – As gevolg van die inwerkingstelling van die Gregoriaanse kalender bestaan 8 Oktober 1582 nie in Italië, Pole, Portugal en Spanje nie.
1912 – Die Eerste Balkanoorlog begin toe Montenegro oorlog teen Turkye verklaar.
1913 – 'n Noorweegse meisie, Solveig Gunbjörg Jacobsen, word die eerste kind wat op Antarktika gebore is.
1936 – Die eerste uitgawe van die Kaapstadse middagblad Die Suiderstem verskyn as lyfblad van die Verenigde Party.
1967 – Che Guevara, Marxistiese revolusionêr en Kubaanse guerrillaleier, word naby La Higuera, Bolivië, in hegtenis geneem.

Voorbladbeeld

'n Borsbeeld van Germanicus, Getty Villa, Kalifornië. Die jong Germanicus word uitgebeeld voor die Romeinse ritueel depositio barbae – die eerste keer wat die baard afgeskeer is. Germanicus, wat deur keiser Tiberius aangeneem is, sou hom as keiser opgevolg het as hy nie op 10 Oktober, 2007 jaar gelede, gesterf het nie.